Мадриднинг "Реал" клуби ярим ҳимоячиси Федерико Вальверде клубни тарк этаётган Лука Модричга юзланди.
Пайшанба куни маълум бўлишича, хорватиялик футболчи кейинги мавсумда "қаймоқранглилар" сафида ўйнамайди - раҳбарият унинг тугаётган шартномасини узайтирмасликка қарор қилган.
"Мен сиздан қатъиятлиликни, қулай пайтни кутишни, камтарликни ва инсоннинг ўрнига унинг ўйини гапирганда қанчалик буюк бўлиши мумкинлигини ўргандим. Сиз билан етти йил бирга ўйнаганим учун миннатдорман," - деб ёзди уругвайлик ижтимоий тармоқда.
