Мадриднинг "Реал" клуби "Ливерпуль" билан ярим ҳимоячи Алексис Макаллистер трансфери бўйича келишиб олиши қийин бўлади.
"Қироллик клуби" майдон марказини кучайтиришга умид қилмоқда ва 26 ёшли аргентиналик номзодлардан бири бўлиб турибди. Marca хабарига кўра, "Реал" вакилларига Макаллистер жуда ёқади, аммо "Ливерпуль" хавбек учун 100 млн евродан кўпроқ сўрайди - "қаймоқранглилар" бундай талабни қондиришга тайёр эмас.
Алексис Макаллистернинг Transfermarkt баҳосига кўра, нархи 90 млн еврога тенг. Жаҳон чемпионининг "қизиллар" билан амалдаги шартномаси 2028 йилнинг ёзигача мўлжалланган.
