Мадриднинг "Реал" клуби ҳужумчиси Килиан Мбаппе Лука Модричнинг клубдан кетиши ҳақида фикр билдирди.
39 ёшли хорватиялик футболчининг амалдаги шартномаси узайтирилмайди. Хавбек мавсум тугаганидан кейин кетади.
"Ака, бу мавсумда сиз билан ўйнаш, кийиниш хонасини бирга бўлиш бахтига муяссар бўлдим. Ҳақиқий буюклик нима эканлигини ўз кўзим билан кўрдим. Сиз тарихдаги энг яхши ўйинчилардан бирисиз, лекин энг аввало ажойиб инсонсиз. Ўн йилдан кўпроқ вақт давомида сиз дунёнинг энг яхши клуби тарихини қайта ёздингиз, ҳамма нарсани, шу жумладан бебаҳо нарсани - бутун дунё ҳурмати ва ҳайратини қўлга киритдингиз. Барчаси учун раҳмат, афсона," - деб ёзди Мбаппе ижтимоий тармоқда.
