Мадриднинг "Реал" клуби собиқ сардори Серхио Рамос Лука Модричнинг клубни тарк этиши ҳақидаги хабарга муносабат билдирди.
Хорватиялик мавсум якунлангач, "қаймоқранглилар" сафини тарк этади, бу ҳақда пайшанба куни маълум бўлди.
"Футболни санъатга айлантирган даҳо, дўст, биродар "Реал" билан хайрлашмоқда. Мадридда стадионни тўлдирадиган, бутун дунё ҳар бир ўйинда экран қаршисида туриб кузатадиганлардан бири.
Футбол ва инсонийлик жиҳатидан ақл бовар қилмайдиган. Сизни дўстим деб айта олишимдан фахрланаман. Сиз энди "Бернабеу"да майдонга тушмайсиз, аммо ҳар доим клуб тарихида энг буюклар ёнида бўласиз.
Ака, биз ҳаммамиз, "Реал" мухлислари, сизга фақат бир нарсани айтишимиз мумкин: "Раҳмат!" Келажакда энг яхши тилакларни тилайман," - деб ёзди Серхио Рамос ижтимоий тармоқда.
