"Астон Вилла" ҳужумчи Ферран Торрес учун "Барселона"га 50 млн евролик таклиф тайёрламаяпти, бу ҳақда аввалроқ инглиз ОАВлари ёзган эди. Бу ҳақда Испаниянинг Mundo Deportivo нашри хабар бермоқда.
Манбага кўра, Бирмингем клуби 25 ёшли футболчига чиндан ҳам қизиқиш билдирмоқда, аммо унинг учун 50 млн евро тўлашга тайёр эмас. Торреснинг "Астон Вилла"га ўтиши ҳужумчининг ўзи "кўк-анорранглилар" сафини тарк этишни истамаслиги билан мураккаблашмоқда.
Торрес жорий мавсум барча мусобақаларда 45 та ўйинда майдонга тушиб, 19 та гол ва еттита ассистни ўз ҳисобига ёздириб қўйди.
