Мадриднинг "Реал" клуби 2024/25 йилги мавсумнинг энг яхши футболчисини аниқлади.
Клуб расмий сайти хабарига кўра, мавсум ўйинчиси деб барча мусобақаларда 54 та ўйинда 40 та гол урган ва 4 та голли узатмани амалга оширган ҳужумчи Килиан Мбаппе танландм. Эслатиб ўтамиз, франциялик футболчи учун бу мавсум "Реал" сафидаги дебют мавсум бўлди, аммо у аллақачон клубнинг бир нечта тўпурарлик рекордларини янгилаган.
"Реал"нинг бу мавсумдаги ўйинларига келсак, жамоа бирорта ҳам соврин қўлга кирита олмади. Чемпионлар лигасида Мадрид клуби чорак финалда "Арсенал"га ютқазиб, турнирдан чиқиб кетди, Ла Лигада иккинчи ўринни эгаллади, Испания кубоги ва Суперкубогида эса финалда мағлуб бўлди. Қўшимча қилиш жоиз, барча ички турнирларда "Реал" "Барселона"га имкониятни бой берган.
