"Манчестер Юнайтед" ёзда сотилиши клуб учун устувор бўлган учта футболчини аниқлади.
Европа лигаси финалида "Тоттенхэм"дан 0:1 ҳисобида учралган мағлубият "Манчестер Юнайтед"нинг трансфер бюджетига катта зарба бўлди ва "қизил иблислар" энди ўз таркибини тиклаш учун пулни яна қаердан олиш мумкинлигини ўйлаб кўришлари керак.
Manchester Evening News нашри хабарига кўра, "Манчестер Юнайтед" ўзининг ҳозирда таркибда мавжуд бўлган футболчиларини сотмоқчи.
"Манчестер Юнайтед" биринчи навбатда бошқа клубларда ижара асосида ўйнаган Маркус Рэшфорд, Антони ва Жейдон Санчо учун харидорларни қидирмоқда.
"МЮ" ҳозирда Рэшфордни 40 миллион фунтга баҳоламоқда, Антони 32,5 миллион фунтга, "Челси" эса Санчони 25 миллион фунтга сотиб юбормоқчи.
Манбанинг қўшимча қилишича, Рэшфорднинг "Астон Вилла"да қолиши даргумон. Маркус Чемпионлар лигасида ўйнайдиган хориж клубларидан бирига ўтишни режалаштирмоқда.
"МЮ" бошқа ўйинчилар, жумладан, Тирелл Маласиа, Алехандро Гарначо ва Расмус Хёйлунд учун ҳам таклифларга очиқ бўлади.
