"Барселона" спорт директори Деку Каталония жамоаси вингери Ансу Фати келажаги ҳақида гапирди.
"Футболда осон вазиятлар бўлмайди - футбол бу футбол. Аввалига у мавсумни ажойиб бошлади, кейин жароҳатлар, кейин "Брайтон"га ижарага берилди. У мавсум олдидан машғулотларни ажойиб ўтказди, чунки биз уни майдонга қайтаришни хоҳладик, лекин кейин яна жароҳат олди.
Ҳар бир инсон ўз карьерасида нимани хоҳлашини ўзи учун баҳолайди. Агар у кўпроқ ўйин вақти кераклигини ҳис қилса, биз буни муҳокама қиламиз. Ансу амалдаги шартномасига эга футболчи ва биз ундан мамнунмиз. Агар у ривожланишни истаса, гаплашамиз", - деди Деку Mundo Deportivo билан суҳбатда.
Аввалроқ “Барселона” бош мураббийи Ханс-Дитер Флик Фатидан ҳафсаласи пир бўлгани ва футболчининг тез орада жамоани тарк этиши кутилаётгани ҳақида хабар берилганди.
2024/2025 йилги мавсумда Фати каталонияликлар сафида 11 та ўйин ўтказиб, гол ура олмади. Transfermarkt футболчининг нархини 5 миллион еврога баҳолаган.
