Мадриднинг “Реал” клуби раҳбарияти Карло Анчелотти бош мураббийликдан кетишини эълон қилди.
65 ёшли мутахассис Бразилия терма жамоасини бошқариши аввалроқ эълон қилинган эди.
"Карло Анчелотти ва "Реал Мадрид" унинг жамоадаги мураббий сифатидаги фаолиятини якунлаш бўйича келишувга эришдилар. Клубимиз Мадрид ва жаҳон футболи афсоналаридан бирига ўз миннатдорчилигимиз ва меҳримизни билдирамиз.
Карло Анчелотти жамоамизнинг 123 йиллик фаолияти давомидаги энг муваффақиятли даврлардан бирини бошдан кечирди ва тарихимизда энг кўп унвонга эга бўлган мураббийга айланди.
Карло Анчелоттининг "Реал" бош мураббийи сифатидаги сўнгги ўйини эртага "Сантьяго Бернабеу"да бўлиб ўтади.
"Реал Мадрид" унга ва оиласига ҳаётнинг янги босқичида омад тилайди", - дейилади клуб баёнотида.
