Англиянинг «Манчестер Сити» жамоасида тўп сураётган бельгиялик ярим ҳимоячи Кевин Де Брёйне Италиянинг «Наполи» клубига ўтишга яқин турибди. Бу ҳақда машҳур журналист Жанлука Ди Марционинг сайти хабар берди.
Манбага кўра, 33 ёшли Бельгия терма жамоаси аъзоси «Наполи»га трансфер бўйича розилик берган. Айни пайтда томонлар шартнома шартларини фаол муҳокама қилмоқда.
Жорий мавсумда Де Брёйне «шаҳарликлар» сафида барча мусобақаларда 38 та ўйинда иштирок этиб, 6 та гол ва 8 та голли узатма билан фаолият олиб борди. Унинг амалдаги шартномаси 2025 йил 30 июнигача амал қилади.













