Италия А Сериясида сўнгги, 38-тур ўйинлари бошланди. "Наполи" "Кальяри" дарвозасига жавобсиз иккита гол уриб, чемпионлик унвонини қайтариб олди.
Бельгиялик ҳужумчи Ромелу Лукаку Антонио Конте билан яхши муносабатда бўлгани учун "Наполи"га кўчиб ўтди ва бу жуфтлик яна бирга яхши ишлади.
"Жуда ҳаяжондаман, мухлислар учун хурсандман, биз бу ғалаба учун кўп меҳнат қилдик. Бу умумий муваффақият, жамоа муваффақияти. Мен Антонио Контени анчадан бери биламан ва у клубни шу номга етаклашига ишонардим", - дея Лукаку сўзларини келтиради calcionapoli1926.it.
Лукаку бунгача италиялик мутахассис билан Миланнинг “Интер” клубида ишлаган.
