Sky Sport журналисти Флориан Плеттенбергнинг маълум қилишича, "Арсенал" "Лейпциг" форварди Беньямин Шешкони жиддий нишонга олган.
Манбага кўра, лондонликлар аллақачон товон пули 80 миллион евро бўлган 21 ёшли словениялик футболчининг трансфери бўйича аниқ музокаралар олиб бормоқда.
Шунингдек, "Арсенал" "Спортинг" футболчиси Виктор Дьёкерешни ҳам кузатиб бормоқда, аммо асосий нишон - Шешко. Жамоа бош мураббийи Микель Артета унинг истеъдодига юқори баҳо бермоқда.
"Лейпциг" Шешкони 2023 йилнинг ёзида "Зальцбург"дан 24 миллион еврога сотиб олганди. Жорий мавсумда унинг ҳисобида 45 та ўйинда 21 та гол ва 6 та голли узатма бор.
