"Бавария" Рафаэль Леауни ўз сафига қўшиб олмоқчи.
Журналист Флориан Плеттенбергнинг маълум қилишича, мюнхенликлар "Милан" вингери номзодини синчковлик билан ўрганмоқда. Спорт директори Макс Эберль футболчининг агенти Жорже Мендеш билан яхши муносабатда, улар алоқага чиқиб, 25 ёшли португалияликнинг эҳтимолий трансферини муҳокама қилмоқда.
Шунингдек, ҳужумнинг чап қанотини кучайтиришга асосий даъвогарлар қаторида "Брайтон" аъзоси Каору Митома ҳам бор. Мақсадлар рўйхатида у Леаудан юқорида туради.













