"Ливерпуль"нинг собиқ бош мураббийи Юрген Клопп ҳимоячи Трент Александр-Арнольднинг Мадриднинг "Реал" клубига ўтгани ва "қизиллар" мухлисларининг бунга салбий муносабат билдиргани ҳақида гапирди.
"Унинг кетишидан ҳафсалам пир бўлмади демайман, аммо у клуб учун нималар қилганини унутманг. Ҳуштак чалишаётганини эшитиб, телевизоримни ўчириб қўйдим. Мен жуда хафа бўлдим... Бу биз эмасмиз," - дея Клоппнинг сўзларини келтиради журналист Фабрицио Романо ўз саҳифасида.
Трент - "Ливерпуль" тарбияланувчиси. У 2016 йилдан бери асосий жамоада ўйнаб келмоқда. Александр-Арнольд ёзда эркин агент сифатида "Реал"га ўтиши кутилмоқда.
