"Наполи" ҳужумчиси Ромелу Лукаку Италия чемпионлигини қўлга киритгач, Бельгия терма жамоасидаги шериги Кевин де Брюйне билан Неапол клубига ўтиши мумкинлиги ҳақида гаплашганми, деган саволга жавоб берди.
"Изоҳсиз қолдираман," - дея табассум билан жавоб берди Лукаку.
33 ёшли ярим ҳимоячининг "Манчестер Сити" билан шартномаси 2025 йилнинг 30 июнида якунига етади. Бельгиялик футболчи "Сити" сафида 421 та ўйинда майдонга тушиб, 108 та гол урган ва 177 та голли узатмани амалга оширган.













