"Барселона" спорт директори Деку яқинда клубнинг "Ливерпуль" футболчиси Луис Диас ва "Манчестер Юнайтед" футболчиси Маркус Рэшфорд каби Премьер-лига футболчиларига қизиқиши ҳақида гапирди. Бу ҳақда Каталония жамоаси бош мураббийи Ханс-Дитер Флик фикр билдирди.
"Жамоамизда бўлмаган футболчилар ҳақида гапиришни истамайман. Лекин уларнинг иккаласи ҳам ажойиб, менга ёқади. Улар фантастик ўйинчилар. Кўрамиз нима бўлишини", - деди Флик матбуот анжуманида.
Олдинда “Барселона”ни “Атлетик Бильбао”га қарши Испания чемпионатининг сўнгги тур учрашуви кутиб турибди. Жамоалар 25-май, якшанба куни майдонга тушади.
