"Барселона" ажойиб мавсум ўтказди ва ички майдонда учала совринни қўлга киритди. Шу билан бирга, Ханс-Дитер Флик ҳозирданоқ жамоасини кейинги мавсум қийинроқ бўлишидан огоҳлантирмоқда.
"Кейинги мавсум учун мақсадлар? Мен ривожланишни хоҳлайман, лекин бу осон эмас. Кейинги мавсум қийинроқ бўлади, аммо биз олдинга силжишни ва футбол ўйнашни биламиз. Биз астойдил ишлашда давом этишимиз керак. Умид қиламизки, барча футболчилар 13 июлга қадар тайёр бўлади. Ўшанда мавсумолди тайёргарликни бошлаймиз," - деди Флик журналистларга.
Якшанба куни "Барселона" мавсумдаги сўнгги ўйинини ўтказади - "Атлетик" меҳмони бўлади.
