Бугун, 24 май куни, аёллар ўртасидаги УЕФА Чемпионлар лигаси финал учрашуви бўлиб ўтди. Финалда Англиянинг "Арсенал"и ва Испаниянинг "Барселона"си ўзаро тўқнаш келди. Учрашув Лиссабонда жойлашган "Жозе Алваладе" стадионида бўлиб ўтди.
Учрашувдаги ягона голни "Арсенал" жамоасининг швециялик ҳужумчиси Стина Блакстениус 74-дақиқада киритди.
Ушбу ғалаба "Арсенал" аёллар жамоаси учун тарихдаги биринчи Чемпионлар лигаси ғалабаси бўлди. Шунингдек, жорий мавсумда "Арсенал" Англия чемпионатида 48 очко тўплаб, мусобақани иккинчи ўринда якунлади.
Аёллар ўртасида Чемпионлар лигаси, финал
Стадион: "Жозе Алваладе", Лиссабон (Португалия)
Арсенал - Барселона - 1:0
Гол: Стина Блакстениус (74’)













