Францияда келаси мавсум учун еврокубокларнинг барча иштирокчилари маълум бўлди.
Шанба куни Франция кубоги финалида "ПСЖ" "Реймс"ни 3:0 ҳисобида мағлуб этди. Луис Энрике жамоаси ҳам мамлакат чемпионлигини қўлга киритганди.
"Реймс" Европа Лигаси йўлланмасини қўлга кирита олмади. Шу тариқа, Лига 1да 6-ўринни эгаллаган "Лион" кейинги мавсумда "Лилль" (5-ўрин) билан бирга Европа лигаси умумий босқичида майдонга тушиш ҳуқуқини қўлга киритади.
Еттинчи ўринни эгаллаган "Страсбур" Конференциялар лигаси саралашида ўйнайди.
"Реймс" чемпионатда 16-ўринни эгаллади ва Лига 1да қолиш учун ўтиш ўйинида майдонга тушади.
