Мадриднинг “Реал” клуби ҳужумчиси Килиан Мбаппе Ла Лигада тўпурарлар пойгасида ғолиб чиқди.
Франциялик футболчи “Лос-Бланкос” сафида дебют мавсумида Испания чемпионатида 31 та гол урди, бу “Барселона” футболчиси Роберт Левандовскини 4 та голга ортда қолдирди. Тўпурарлар рўйхатида учинчи ўринни "Осасуна" футболчиси Анте Будимир (21), тўртинчи ўринни "Атлетико" ҳужумчиси Александр Сёрлот (20), кучли бешликни эса "Вильярреал" футболчиси Айосе Перес (19) якунлади.
Килиан Мбаппе ўтган ёзда "ПСЖ"дан "Реал"га текинга ўтган эди. Умуман олганда, форвард Мадрид клуби сафида барча турнирлар доирасидаги 56 учрашувда 43 та гол урган.
