"Барселона" ҳужумчиси Роберт Левандовски Ла Лиганинг энг яхши тўпурари бўлиш учун курашда Килиан Мбаппега ютқазиб қўйди.
Полшалик сўнгги турда Бильбаонинг “Атлетик” клубига қарши ўйинда (2:0) дубл қайд этди, аммо пойгада анчадан буён пешқадамлик қилаётган бўлса-да, “Реал” юлдузи уни ортда қолдирди. Мбаппе 31 та гол билан энг яхши тўпурарга айланди, Левандовскида эса 27 та гол бор.
"Албатта, Пичичи кубогини қўлга кирита олмаганимдан ҳафсалам пир бўлди. Жароҳатдан сўнг юқори формага киришим қийин бўлди, аммо бу нормал ҳолат", - деди 36 ёшли ҳужумчиси.
Умуман олганда, Роберт Левандовски бу мавсумда Ханс-Дитер Флик жамоаси сафида 52 та учрашувда 42 та гол урди.
