"Рома" ҳужумчиси Пауло Дибала яқин келажакдаги режалари ҳақида гапирди. Аргентиналик футболчи жароҳати сабаб мавсум якунини ўтказиб юборди.
"Мен "Рома"да қолишни истардим. Агар клуб ҳам шуни истаса, мен бу ерда ўйнашни давом эттиришдан хурсанд бўламан. Клаудио Раньери қўл остидаги натижаларимиз фахрланишимизга асос бўлиб, янги мавсум олдидан оптимизм уйғотди", - дейди Дибала.
"Рома" А Серия турнир жадвалида бешинчи ўринни эгаллади. Сўнгги тур учрашувида римликлар “Торино”ни мағлуб этишди (2:0).













