"Реал Мадрид" ярим ҳимоячиси Жуд Беллингем мавсум якунида "қироллик клуби"ни тарк этиши аниқ бўлган Лукас Васкес билан хайрлашди.

“Лукас, биринчи кунданоқ мени биродардек қабул қилдингиз ва ўшандан бери менга доим маслаҳат бериб келдингиз.

Ҳазиллар, байрамлар, рақслар, бош кийимлар – буларнинг сони йўқ.

Сиз доимо ижобий бўлдингиз, менга нисбатан ҳеч қачон ёмон кайфият кўрсатмаган одамлардансиз. Мен кўрган энг профессионал футболчилардан бирисиз ва ҳар куни жамоанинг даражасини оширганингизни кўрганман.

Сиз жим юриб, бошқалар порлашига йўл берганиз билан, клуб учун қилган ишларингиз ҳеч қачон унутилмайди.

Ўзимни сизнинг жамоадошингиз ва дўстингиз деб билишимдан фахрланаман. Сизни жуда соғинаман, лекин ҳар доим ўзиз кўрсатган йўлдан боришга ҳаракат қиламан.

Ҳаммаси учун раҳмат!”, - деб ёзди 21 ёшли инглиз ўз Instagram саҳифасида.