Лондоннинг "Арсенал" клуби дарвозабони Давид Райя "Олтин қўлқоп"ни қўлга киритди ва интервью берди.
"Канонирлар" сўнгги турда "Саутгемптон"га (2:1) қарши баҳсда дарвозани дахлсиз сақлаб қола олмади, аммо испаниялик дарвозабон барибир совринни қўлга киритди.
"Бу мавсумдаги ўйинимдан жуда мамнунман. Мен бу ажойиб клубга ўрганиб қолдим ва ўтган йилга нисбатан яхшироқ бўлдим. Қўлимдан келганча ўз ишимни бажаришга ва жамоага ёрдам беришга ҳаракат қиламан. Баъзида ўтказиб юбормаслик керак бўлган голларни ўтказиб юбордик ва керак бўлмаган жойда очко йўқотдик. Бу футболнинг бир қисми, ўрганишда давом этиш керак," - дея Райянинг сўзларини келтиради BBC.
