"Ан-Наср" ҳужумчиси Криштиану Роналду клуб сафида урилган голларнинг уч хонали кўрсаткичига бир қадам қолганда тўхтади.
40 ёшли футболчи Саудия Арабистони чемпионатининг сўнгги турида гол уриб, турнирнинг энг яхши тўпурари бўлди, аммо учрашув якунлангач, кетишга шама қилди. Турли манбаларнинг таъкидлашича, португалиялик футболчи "Ан-Наср"да бошқа ўйнамайди - у июнь ойи охирида тугайдиган шартномани узайтирмайди. Ҳужумчи барча мусобақаларда Ар-Риёд жамоаси сафида 111 та ўйинда 99 та гол урган.
Криштиану Роналду 2023 йил бошида "Ан-Наср" сафини тўлдирганди. У Саудия Арабистонига кўчиб ўтгунга қадар "Манчестер Юнайтед," "Ювентус," Мадриднинг "Реал" ва Лиссабоннинг "Спортинг" клублари шарафини ҳимоя қилган.
