Мадриднинг "Реал" клуби ярим ҳимоячиси Лука Модрич "Сантьяго Бернабеу"даги сўнгги ўйинида "Реал Сосьедад"га қарши ўйинда пенальти тепишдан бош тортди.
Учрашув шанба куни бўлиб ўтди ва "қаймоқранглилар"нинг 2:0 ҳисобидаги ғалабаси билан якунланди. Биринчи бўлим охирида мадридликлар пенальти ишлаб олди - Килиан Мбаппе нуқтага яқинлашди.
"Пенальтидан зарба бермайсанми?" - деди ҳимоячи Рауль Асенсио Модричга. - Йўқ, йўқ, буни Мбаппе қилиши керак... Килиан, ур, - деди хорват. Футболчиларнинг диалогини Madrid Zone тақдим этади.
39 ёшли хавбек Ла Лиганинг энг яхши тўпурари бўлиш учун курашаётган французга гол кўпроқ керак деб ҳисоблаган.
