"Барселона" вингери Ламин Ямал Ла Лиганинг замонавий рекордини ўрнатди. 17 ёшли футболчи якунланган Испания чемпионатида 13 та голли узатма билан энг яхши ассистентга айланди. Opta хабарига кўра, 21-аср бошидан бери 20 ёшгача бўлган ҳеч бир футболчи Ла Лигада бир мавсумда бунчалик кўп самарали пас бермаган.
"Кўк-анорранглилар" вундеркиндининг ҳисобида 9 та гол ҳам бор. Умуман олганда, испаниялик футболчи Ханс-Дитер Флик жамоаси сафида барча мусобақаларда 55 та ўйинда 18 та гол ва 25 та голли узатмани амалга оширган.
"Барселона" 88 очко жамғариб, Мадриднинг "Реал" клубини 4 очкога ортда қолдириб, чемпионликни қўлга киритди.
