Бразилия терма жамоаси бош мураббийи Карло Анчелотти Винисиус Жуниорнинг терма жамоадаги ўйинлари ҳақида фикр билдирди.
24 ёшли вингер "пентакампеонлар" либосидан кўра, "Реал"да ўзини анча ёрқинроқ намоён этиши одатий ҳолдир. Журналистлар бу ҳақда Анчелоттидан сўрашди, унинг қўл остида футболчи "қироллик клуби"да ўзини кўрсатди.
"Вини ҳар доим ҳам терма жамоада ўзининг энг яхши футболини кўрсатмаяптими? Майли, энди у шундай қилади. Вини Бразилияга жуда боғланган, шунинг учун у қўшимча босимни ҳис қилаётган бўлиши мумкин. Аммо у фантастик, у кўп ишлайди, ҳақиқий жангчи," - дея Анчелоттининг сўзларини келтиради Madrid Zone.
Винисиус "селесао" сафида 39 та ўйинда 6 та гол ва шунча голли узатмани амалга оширган.
