Миланнинг "Интер" клуби ярим ҳимоячиси Николо Барелла жамоасининг "Пари Сен-Жермен" билан EЧЛ финалида муваффақият қозониш имкониятлари ҳақида гапирди.
Энг нуфузли еврокубок ғолиби 31 май куни Мюнхендаги "Альянс Арена"да аниқланади.
"Балки биз финалнинг фаворити эмасдирмиз, лекин имкониятлар 50 га 50 деган бўлардим. Финал йўлида дунёнинг энг кучли жамоаларидан икки жамоани мағлубиятга учратдик. Ҳар бир ўйиннинг ўз тарихи бор, нима бўлишини аниқ билмайсан. Биз ғалаба қозонишни истаймиз, совринга лойиқмиз," - деди Барелла Sky Sport нашрига берган интервьюсида.
