"Ан-Наср" ҳужумчиси Криштиану Роналду клуб миқёсида урган голлари сонини 800тага етказди.
Португалиялик футболчи Саудия Арабистони чемпионатининг сўнгги турида "Ал-Фатеҳ" дарвозасини ишғол қилди. 40 ёшли футболчи турнирнинг тўпурарлик пойгасида 25 та гол билан биринчи бўлди. Бундан ташқари, бу гол форвард учун клубдаги фаолиятидаги 800-гол бўлди. Роналду ҳозирги жамоасида 99 та, "Манчестер Юнайтед"да 145 та, "Ювентус"да 101 та, "Реал"да 450 та, Лиссабоннинг "Спортинг" клубида яна бешта гол урган.
Криштиану Роналду 2023 йил бошидан бери "Ан-Наср" шарафини ҳимоя қилмоқда. Келаётган ёзда футболчи клубни тарк этиши мумкин - унинг шартномаси июнь ойи охирида тугайди.
