"Атлетико" ҳимоячиси Аксел Витсель фаолиятини Бельгияда давом эттириши мумкин, дея хабар бермоқда журналист Николо Скира.
Манбага кўра, 36 ёшли бельгиялик футболчига "Стандард" даъвогарлик қилмоқда. Леж клуби футболчини ёзда эркин агент сифатида ўз сафига қўшиб олмоқчи. Аввалроқ, ҳимоячи "Атлетико"ни тарк этишини эълон қилганди.
Витсель "Стандард" тарбияланувчиси ҳисобланади. Шунингдек, у "Бенфика," "Зенит," "Тянсзинь" ва "Боруссия" клубларида ҳам ўйнаган. Ўтган мавсумда ҳимоячи 21 та ўйинда майдонга тушиб, 1 та голли узатмани амалга оширди.
