"Наполи" президенти Аурелио Де Лаурентис Антонио Контега жамоа бош мураббийи сифатидаги фаолияти учун миннатдорчилик билдирди.
Клуб директори 55 ёшли мутахассиснинг неаполликларнинг сўнгги муваффақиятларида қўшган ҳиссасини қайд этиб, унинг профессионаллигини юқори баҳолади.
"Мен бу одамни қучоқлашим керак, чунки у ҳалокат ёқасида турган жамоани қабул қилиб олди ва биз биргаликда уни кучайтира олдик. Муайян босқичда у Кварацхелиядек юлдузсиз тура олиши керак эди. У схемалар эмас, балки футбол моҳиятини чуқур англаш муҳимлигини кўрсатди", - дея клуби президенти сўзларини келтиради Football Italia.
