"Лион"нинг ўнг қанот вингери Райан Шерки "Манчестер Сити" келаси ёзда сотиб олиши мумкин бўлган футболчилардан бири сифатида кўрилмоқда. Бу ҳақда The Telegraph хабар бермоқда.
Бир неча кун олдин футболчи жамоасини албатта ўзгартиришини айтганди. Футболчига аллақачон "Ливерпуль," "Арсенал" ва "Манчестер Юнайтед" ва бошқа баъзи жамоалар қизиқиш билдирган. Манбага кўра, французнинг шартномасида товон пули тўғрисидаги банд мавжуд бўлиб, унинг миқдори тахминан 30 миллион еврога тенг.
Якунланган мавсумда Райан Шерки барча турнирларда 44 та ўйинда майдонга тушиб, 12 та гол урди ва 20 та голли узатмани амалга оширди.
