"Милан"нинг собиқ футболчиси, ўтган асрнинг саксонинчи ва тўқсонинчи йиллари охирида клубда тўп тепган Руд Гуллит "Милан" мавсумни омадсиз ўтказганидан хафа.
Эслатиб ўтамиз, клуб Италия Суперкубогини қўлга киритган бўлса-да, Чемпионлар лигасидан эрта чиқиб кетди, Италия кубоги финалида мағлуб бўлди ва А Серия турнир жадвалида бор-йўғи саккизинчи ўринни эгаллади.
"Милан"нинг бунчалик пастга тушиб кетгани ачинарли. Умид қиламанки, клуб тикланишига имкон берадиган формула топилади.
Чунки бундай ўйинчиларни кўрганингизда, жамоа яхши ўйнаши кераклигини тушунасиз, таркиб яхши. Мен нима бўлаётганини тушунмаяпман", - дея Гуллитнинг сўзларини келтиради pianetamilan.it.
