Жан Пьеро Гасперини "Аталанта"дан "Рома"га ўтишга яқинлашди. Таниқли журналист Жанлука ди Марционинг ўз сайтида ёзишича, сўнгги соатларда Гасперини ва Рим клуби ўртасида ижобий алоқалар ўрнатилган.
Аввалроқ, Гасперини "Аталанта" билан келажакни муҳокама қилиш учун танаффус қилганди. Томонлар циклни якунлаш ва янги бобни бошлаш вақти келганига рози бўлишди. Шундан сўнг 67 ёшли мутахассис бергамоликлардан "Рома" билан музокара ўтказишга рухсат сўради.
Жан Пьеро Гасперини 2016 йил ёзидан буён "Аталанта" бош мураббийи лавозимида ишлаб келмоқда. Жамоа А Серияда учинчи ўринни эгаллади.
