"Манчестер Юнайтед"дан ижарага олинган "Челси" вингери Жэйдон Санчонинг келажаги мавҳумлигича қолмоқда.
"Кўклар" футболчини ижара шартномасида кўрсатилганидек сотиб олиши ёки жарима тўлаб, "қизил иблислар"га қайтариши мумкин. Инсайдер Фабрицио Романонинг маълум қилишича, "Челси" ўз қарорини Санчога чоршанба куни бўлиб ўтадиган "Бетис"га қарши Конференциялар Лигаси финалидан сўнг маълум қилади.
Эслатиб ўтамиз, 25 ёшли футболчини сотиб олиш "Челси"га қарийб 30 млн еврога тушади, мажбуриятдан воз кечиш учун эса тахминан 6 млн евро тўлашга тўғри келади.
"Челси" Премьер-лигада тўртинчи ўринни эгаллади ва Чемпионлар лигасининг навбатдаги мавсумига йўлланмани қўлга киритди.
