"Реал" ҳимоячиси Антонио Рюдигер тиззасидан операция қилиниб, тикланганидан сўнг клублар ўртасидаги ЖЧ-2025 гуруҳ босқичининг иккинчи ўйинида майдонга қайтиши мумкин, деб хабар беради AS. "Реал" ва "Пачука" ўйини 22 июнь куни бўлиб ўтади.

32 ёшли Рюдигер 2024/25 йилги мавсумни тиззасидаги оғриқ билан ўтказган. "Реал"нинг тиббий штаби 26 апрель куни Испания кубоги финалида "Барселона"дан учралган мағлубиятдан (2:3) кейин жарроҳлик амалиётини ўтказишга қарор қилди - бу ўйинда ҳимоячи майдондан четлатилди, кейин эса олти ўйинга дисквалификация қилинди.

Мавсумда Рюдигер "Реал" сафида барча мусобақаларда 49 та ўйинда майдонга тушиб, 3 та гол урган ва 4 та голли узатмани амалга оширган.