"Real" himoyachisi Antonio Ryudiger tizzasidan operasiya qilinib, tiklanganidan so‘ng klublar o‘rtasidagi JCH-2025 guruh bosqichining ikkinchi o‘yinida maydonga qaytishi mumkin, deb xabar beradi AS. "Real" va "Pachuka" o‘yini 22 iyun kuni bo‘lib o‘tadi.
32 yoshli Ryudiger 2024/25 yilgi mavsumni tizzasidagi og‘riq bilan o‘tkazgan. "Real"ning tibbiy shtabi 26 aprel kuni Ispaniya kubogi finalida "Barselona"dan uchralgan mag‘lubiyatdan (2:3) keyin jarrohlik amaliyotini o‘tkazishga qaror qildi - bu o‘yinda himoyachi maydondan chetlatildi, keyin esa olti o‘yinga diskvalifikasiya qilindi.
Mavsumda Ryudiger "Real" safida barcha musobaqalarda 49 ta o‘yinda maydonga tushib, 3 ta gol urgan va 4 ta golli uzatmani amalga oshirgan.
