"Бавария" ҳужумчиси Харри Кейн ёзда бўлиб ўтадиган клублар ўртасидаги жаҳон чемпионати ҳақида ўз фикрларини билдириб ўтди.

Турнирда 32 та жамоа иштирок этади. Мюнхен грандининг гуруҳ босқичидаги рақиблари "Окленд Сити" (Янги Зеландия), "Бока Хуниорс" (Аргентина) ва "Бенфика" (Португалия) бўлади.

"Бу ноёб тажриба бўлади. ЖЧ-2026дан бир йил олдин АҚШга сафар - баъзи стадионлар, маҳаллий мухлислар билан яқиндан танишиш учун ажойиб имконият. Бизни ажойиб турнир кутмоқда. Ҳар доимгидек, формат ўзгарганда, одамлар саволлар беришади, лекин мен ҳақиқатан ҳам хурсандман," - дея Кейннинг сўзларини келтиради ФИФА расмий сайти.