"Барселона" вингер Ламин Ямал билан шартномани 2031 йилгача узайтирди. Футболчи билан клуб келишуви ҳақидаги гап-сўзлар бир ой эмас, сешанба куни расман тасдиқланди. Журналист Фернандо Полонинг маълум қилишича, келишувда кўрсатилган товон пули миқдори - илгари тахмин қилинганидек, 1 миллиард евро.
Ламин Ямалнинг Transfermarkt порталидаги нархи 180 млн еврога баҳоланган. Ёш футболчи "Барселона" сафида барча мусобақаларда 106 та ўйинда майдонга тушиб, 25 та гол урган ва 34 та голли узатмани амалга оширган.
Миш-мишларга кўра, ўтган йили "ПСЖ" Ямални 200-250 млн еврога сотиб олишга тайёр эди, аммо Каталония гранди рад жавобини берди.
