Афсонавий француз футболчиси Мишель Платини "Реал"да тўп тепаётган юлдуз ҳамюрти Килиан Мбаппе ҳақида ўз фикрлари билан ўртоқлашди.
"Килиан - феномен. У "Олтин бутса"ни қўлга киритди ва Европанинг энг яхши тўпурари бўлди. У ўз даражасини исботлади. Шу билан бирга, жамоа омадсиз мавсум ўтказди. Мбаппе - гол урадиган ҳужумчи. Ундан Месси ёки Зидан услубида ўйнашни талаб қилиш шарт эмас. Унинг асосий вазифаси - гол уриш", - дейди Платини.
Мбаппе 2024 йилнинг ёзида Мадрид грандига ўтди. Килиан "қаймоқранглилар" билан 2029 йилнинг ўрталарига қадар шартнома имзолади.
