Яқинда Рауль "Реал" ёшлар жамоаси мураббийлигидан кетди. Энди "Кастилья"га "қаймоқранглилар"нинг бошқа бир собиқ футболчиси - Альваро Арбелоа устозлик қилади. Бу ҳақда Мадрид клуби расмий сайти хабар тарқатмоқда.
Арбелоа ўз вақтида "Реал"нинг асосий жамоаси сафида 238 та ўйинда майдонга тушиб, олтита гол урган ва ўн бешта голли узатмани амалга оширган. Шунингдек, Альваро фаолияти давомида "Депортиво," "Ливерпуль" ва "Вест Хэм" клубларида ўйнаган. Арбелоа 2017 йилнинг ёзида бутсаларини михга илган.
Эслатиб ўтамиз, яқинда Хаби Алонсо "Реал"нинг асосий жамоасини қабул қилиб олган эди.













