Мадриднинг "Атлетико" клуби дарвозабони Ян Облак ҳар бир ўйинда энг кам гол ўтказиб юборган дарвозабонга бериладиган "Zamora Trophy" совринини қўлга киритгани ҳақида фикр билдирди. Словениялик посбон учун бу унинг фаолиятидаги олтинчи соврин бўлиб, дарвозабонлар ўртасидаги рекорд ҳисобланади.
"Бу жамоавий иш. Жамоадошларингиз ёрдамисиз яхши натижага эришиб, бу совринни қўлга киритишнинг иложи йўқ. Бу ҳаммага тегишли. Бу ажойиб, лекин ҳар доим айтганимдек, мен индивидуал унвонлардан кўра жамоа унвонларини афзал кўраман.
Лиганинг тарихий рекорди, албатта, жуда чиройли ва унга эришиш жуда қийин. Балки футболчилик фаолиятим тугагач, буни кўпроқ қадрлайман. Аммо ҳозир мен ўйнашни ва ғалаба қозонишни давом эттирмоқчиман, бу менинг фаолиятимнинг яна бир жиҳати холос. Мен бу ерда эканман, ҳамма нарсада ғалаба қозонишни хоҳлайман. Бу менинг менталитетим", - деди Облак AS билан суҳбатда.
Эслатиб ўтамиз, Облак Испания чемпионатининг 2024/2025 йилги мавсумида 36 та ўйинда 30 та гол ўтказиб юборган. Умумий ҳисобда словениялик посбон жорий мавсумда 46 та ўйин ўтказиб, 44 та гол ўтказиб юборган.
