Madridning "Atletiko" klubi darvozaboni Yan Oblak har bir o‘yinda eng kam gol o‘tkazib yuborgan darvozabonga beriladigan "Zamora Trophy" sovrinini qo‘lga kiritgani haqida fikr bildirdi. Sloveniyalik posbon uchun bu uning faoliyatidagi oltinchi sovrin bo‘lib, darvozabonlar o‘rtasidagi rekord hisoblanadi.
"Bu jamoaviy ish. Jamoadoshlaringiz yordamisiz yaxshi natijaga erishib, bu sovrinni qo‘lga kiritishning iloji yo‘q. Bu hammaga tegishli. Bu ajoyib, lekin har doim aytganimdek, men individual unvonlardan ko‘ra jamoa unvonlarini afzal ko‘raman.
Liganing tarixiy rekordi, albatta, juda chiroyli va unga erishish juda qiyin. Balki futbolchilik faoliyatim tugagach, buni ko‘proq qadrlayman. Ammo hozir men o‘ynashni va g‘alaba qozonishni davom ettirmoqchiman, bu mening faoliyatimning yana bir jihati xolos. Men bu yerda ekanman, hamma narsada g‘alaba qozonishni xohlayman. Bu mening mentalitetim", - dedi Oblak AS bilan suhbatda.
Eslatib o‘tamiz, Oblak Ispaniya chempionatining 2024/2025 yilgi mavsumida 36 ta o‘yinda 30 ta gol o‘tkazib yuborgan. Umumiy hisobda sloveniyalik posbon joriy mavsumda 46 ta o‘yin o‘tkazib, 44 ta gol o‘tkazib yuborgan.
