"Челси" ярим ҳимоячиси Коул Палмер Конференциялар Лигаси финалида "Бетис" устидан қозонилган ғалаба (4:1) ҳақида фикр билдирди. 23 ёшли англиялик ўйиннинг энг яхши футболчиси деб топилди.
"Иккинчи бўлимда тезликни ошириб, яхшироқ ўйнашга ҳаракат қилдик. Тўп билан фақат орқага ёки майдоннинг кўндалангига ҳаракат қилиш жонимга тегди. Биринчи гол ҳақида гапирадиган бўлсам, мен бўшлиқни кўрдим ва Энцонинг югурганини пайқадим. Иккинчи ҳолатда ҳам худди шундай бўлди. Ўйлайманки, биз яна кучли характер кўрсатдик. Камбэкимиз буни тасдиқлайди," - дея Палмернинг сўзларини келтиради УEФА матбуот хизмати.
