"Челси" Конференциялар лигаси бир мавсумида энг кўп гол уриш рекордини ўрнатди. Турнирнинг ушбу мавсумида "кўклар" 42 та гол уришди.
28 май, чоршанба куни "Челси" турнир финалида "Бетис"ни мағлуб этди (4:1) ва барча еврокубок турнирлари: Чемпионлар лигаси, Европа лигаси, Конференциялар лигаси, УЕФА Суперкубоги ва Кубок эгалари кубогида ғолиб чиққан биринчи жамоага айланди.
Бунгача энг яхши натижа "Фиорентина"га тегишли бўлиб, у 2022/23 йилги мавсумда Конференциялар Лигасида 37 та гол урганди.
Конференциялар лигаси 2021/22 йилги мавсумдан бери ўтказиб келинмоқда. Бунгача кубокни "Рома" (2022), "Вест Хэм" (2023) ва "Олимпиакос" (2024) жамоалари қўлга киритганди.
