"Манчестер Юнайтед" форварди Маркус Рэшфорд фаолиятини "Барселона"да давом эттиришга қарор қилди, дея хабар бермоқда журналист Тони Хуанмарти.

Манбага кўра, 27 ёшли футболчи барча таклифларни рад этган ва "кўк-анорранглилар" инглиз клуби билан музокараларни бошлашини кутмоқда. Қайд этилишича, футболчи билан "Барселона" спорт директори Деку алоқага чиққан.

Рэшфорд "қизил иблислар" сафида 2016 йилдан буён тўп тепиб келмоқда. Февраль ойи бошида у ижара асосида "Астон Вилла"га ўтди, бирмингемликлар ижара муддати тугаганидан кейин ҳужумчини сотиб олишдан бош тортди.

Ўтган мавсумда Рэшфорд барча мусобақаларда 41 та ўйинда майдонга тушиб, 11 та гол урган ва 9 та голга ҳаммуаллифлик қилган.