"Ланс" ярим ҳимоячиси Анди Диуфга "Кристал Пэлас" ва бошқа клублар қизиқиш билдирмоқда, деб хабар беради Footmercato.
Аввалроқ, "Кристал Пэлас" қишда ҳам футболчини ўз сафига қўшиб олишга уриниб кўрган, бироқ француз клубидан рад жавобини олганди. Ёзда лондонликлар яна бир бор Франция ёшлар терма жамоаси футболчисини ўз сафига қўшиб олишни режалаштирмоқда. 2024/25 йилги мавсумда Англия кубоги ғолиби бўлган ва навбатдаги Европа лигаси иштирокчисига айланган "Кристал Пэлас" "Бетис" ва "Байер" билан биргаликда Диуфга қизиқмоқда.
Диуфнинг "Ланс" билан шартномаси 2028 йилнинг ёзигача амал қилади. У 2024/25 йилги мавсумда 37 та ўйинда битта гол урди ва иккита голли узатмани амалга оширди. Футболчининг трансфер нархи 10 миллион еврога баҳоланмоқда.
