"Ипсвич" ҳужумчиси Лиам Делап фаолиятини давом эттириш вариантини танлади.
22 ёшли футболчига "Манчестер Юнайтед" ва "Челси" асосий даъвогар сифатида қаралганди. Таниқли журналист Бен Жейкобснинг таъкидлашича, "кўклар" яқинда футболчи билан музокаралардан сўнг Делап учун курашда ғалаба қозонишга яқин турибди. "Қизил иблислар"нинг Чемпионлар лигасига чиқа олмагани жамоанинг истиқболли англиялик футболчи учун курашдаги позициясини анча заифлаштириб қўйди.
"Тракторчилар" ҳужумчисини "Эвертон" ва "Ньюкасл" ҳам ўз сафига қўшиб олмоқчи эди, аммо у аллақачон "Челси"га ўтишга мойиллигини билдирган.
Лиам Делапнинг эҳтимолий трансфер нархи 35 млн евро атрофида.
