"Реал" ва "Бенфика" чап қанот ҳимоячиси Альваро Каррерас трансфери бўйича келишувга эришди.
22 ёшли футболчи бир неча ҳафта олдин испан грандига розилик билдирган эди, энди эса клублар ҳам бир тўхтамга келди, деб ёзади журналист Руди Галетти. "Бенфика" қатъият кўрсатди ва талабни пасайтиришдан бош тортди - "Реал" келишувни тезроқ ёпиш учун шартларни қабул қилишга мажбур бўлди. Тез орада футболчи тиббий кўрикдан ўтади.
Альваро Каррерас 2017-2020 йилларда Мадрид суперклуби академиясида шуғулланган, шундан сўнг "Манчестер Юнайтед"га кўчиб ўтган. Ўтган ёзда "Бенфика" испанияликни "қизил иблислар"дан 6 млн еврога сотиб олган эди.
